La rubrica del Pedar: "T'la scriv in Piasintein"

intant ca brassäva sö quäldoi a cäs e me fiöla, pinsäva anca c'agh caläva una vita alla fein. Al prim gol ad Romero am sum liberä un pò pössè ma la vuseina c'la dsiva "ociu" l'ho sintì ancura.
Al tri a zeru inveci agh n'è stä pr'atsoi, lemò in d'un culp sul ho capì che 'l sogn' l'era dvintä realtä, c'äva mia vist una vittoria ma un trionf, ad chi ca rastarà sculpì in dla quäsi seculära storia dal noss Piace.
A pruposit, adess ill partid is vivan anca in si "social" e lemò i pigiamä ian siguitä a mnäla cun la storia dal fallimeint, "squadra fallita", "tifoseria fallita" e via c'andum ad qull pass che. I s'en dasmingä che 'l rispett pr'al dulur ad i'ätar tifus al va oltre i culur, as pö gudì pr'una scunfitta, pr'una retrucession, pr'un sparegg' pèrs all'ültim second. Pr'un fallimeint no, mè, a pärt invertì l'avriss mia fatt. E pò scüsim, ma a fä atsè a cosa v'è sarvì?
V'al digh mè : a rangugnä ancura pössè parchè i "falliti" i v'han dat una patnäda ca s' andävva a cà cul taston föra dal finestrein arriväva a cà tant cme appèna föra dalla patnadura.
Bein gnita, agh sarà un'ätra uccasion, magäri tuccarà a viätar passä un lundè cui cramp ai ganass longh a surrid, pr'adess sti bei patnä
Da malä ad meint ca sum l'ätar dè ho cumprä "la Provincia" e alla sira ho guardä la trasmission da una television dadlà da Po.
Sincerameint ien astä ubiettiv e l'è stä bell parchè ho capì chi han accüsä 'l culp, i'ho sintì incassä, delüs, scurnä e sù 'd muräl, e pò ascultäva pò s'era cunteint
M'arcmand forza Piace!
Pedar