menu camera rotate-device rotate-mobile facebook telegram twitter whatsapp apple googleplay
La festa dei biancorossi dopo il derby vinto (foto Andrea Trongone)

La festa dei biancorossi dopo il derby vinto (foto Andrea Trongone)

La rubrica del Pedar: "T'la scriv in Piasintein"

Decima puntata della rubrica curata da Pietro "Pedar" Rebecchi, attore piacentino nella compagnia teatrale Famiglia Piasenteina e tifoso di lunga data del Piacenza Calcio. Per tutta la stagione il Pedar racconterà pensieri, fatti e aneddoti legati al mondo del Piace: ovviamente in rigoroso dialetto piacentino

Una giurnä cuminciä bunura e finì tärdi.
Bunura parchè a sett ur ho taccä a giräm in dal lett tant cme un cavallein da giostra con un grupp in gula che un sèrt mumeint l'ho cattä in sal cüsein.
Tärdi parchè quand sum andä in lett am gniva davanti i tri pappein rifilä ai pigiamä, ho cattä 'l magon in dua l'äva lassä e un fantasmein l'ha miss un ätar getton in dla giostra.
Lundè matteina am sum alvä sö trid cme la cipria ma cul cör asgionf, mia par quälca rübinëtt ca pardiva però.

Quärta vota in dla nossa storia ca fum la duppiëtta, me però ho vist sultant i'ültim dü e am sum sà lamintä cun me mär parchè sl'as däva una mossa un ann prima i pudivan iess tri. Pasinsa.
Inütil ca staga chemò a spiegä che suddisfasion l'è stä, tant quälca gir in sla giostra l'i fatt anca viätar. Ho vist tanta gint ca mancäva da un pò e a quäldoi ho anca tirä i'uricc' parchè l'è comud presentäs sultant a sèrt partid, vadum se da che inans is farann pardunä ma g'ho i mè dübbi. Vëd al mè städi atsè culurä e baccaion m'ha ringiuvanì ad dès ann e seint al mè popul cantä "t'al digh in Piasintein" in cla manera le am s' è drissä anca i pèl ad la bärba c'äva lassä in dal lavandein al dè prima. Tütt i sperans di tifus ch'ieran al baracchein da fä un gran partida ien advintä pacch in spall e abbrass dopa, quand as cuminciäva a realissä l'impresa e la tension la taccäva a lassä 'l post alla felicitä. Esültä a un gol dal Piace l'è seimpar bell, ma divèrs. Duminca quand Pergreffi l'ha sgiunfä la rèd

Argomenti
Condividi
In Evidenza
Ultime di Oggi
Potrebbe interessarti
In primo piano
Torna su

Canali

SportPiacenza è in caricamento