menu camera rotate-device rotate-mobile facebook telegram twitter whatsapp apple googleplay
Pietro "Pedar" Rebecchi

Pietro "Pedar" Rebecchi

La rubrica del Pedar: "T'la scriv in Piasintein"

Quattordicesima puntata della rubrica curata da Pietro "Pedar" Rebecchi, attore piacentino nella compagnia teatrale Famiglia Piasenteina e tifoso di lunga data del Piacenza Calcio. Per tutta la stagione il Pedar racconterà pensieri, fatti e aneddoti legati al mondo del Piace: ovviamente in rigoroso dialetto piacentino

Urmäi pr'ist'ann pinsäva d'avila sfangä, inveci l'è arrivä. Lü, l'umein c'al sà tütt, parchè ill famus "voci di corridoio" g'ho in a meint ca glia surcia addrittüra in dal curridur ad cà sua. Zà i sperans d'andä in B cui play off ien cull ca ien ma se Lü, l'umein, al ta disa che al sociu dal giardiner ad Gatti l'è 'l cüsein dla surella ad sò cugnä e al g'ha ditt chi völan mia andä sö parchè agh völ tropp sod at casca veraimeint i'uricc'. E digh i'uricc' parchè cull ca casca 'd solit  ieran bein säd in man vist che appèna ho capì in dua finiva 'l ragiunameint am sum miss la man in sacosa. Menu mäl gh'è ancura quäldoin c'al sà gninta ad ballon ma 'l guärda 'l risültäd dal Piace e dopa al ma disa : "Ho pinsä a tè".
Vuriva lanciä un messagg' anca a chi, par tütt l'ann, al m'ha süggerì cus g'äva da scriv : grasie pr'i cunsili, ma 'm sà cär fä cun la mè tèsta, suartütt se chi 'm dà i cunsili l'è mia bon da mëtt insëma quattar parol, gnian in italian, figürumas in "lingua madre ".
Däi ragass ancura un sfors e la prima partida di play off pudrum fäla in cà e sariss mèi parchè 's gavrisma d'andä a sügä a Cum par veins la sariss pössè düra.
Mäl cla vaga as presentarum ancura cun la mäia blö.
Gh'è in gir di mälmustus parchè i pigiamä ien prim in classifica,  sti tranquill ragass che 'l campiunäd l'è gnamò finì e ad ogni möd anca si vann sö i dü derby gh'ia dà indrè atsöi.
Noi pinsum in cà nossa e inveci che ascultä tütt ill luccäd ad domine e Diu e dä cunsili tant cme sa fiuccas pinsum, ogni döin a fä la sò pärt, ca sariss sà un bell pass inans. O pretendum ca crëssa appèna la sucietä ?

M'arcmand forza Piace!
Pedar

Argomenti
Condividi
In Evidenza
Ultime di Oggi
Potrebbe interessarti
In primo piano
Torna su

Canali

SportPiacenza è in caricamento