menu camera rotate-device rotate-mobile facebook telegram twitter whatsapp apple googleplay
Pietro "Pedar" Rebecchi

Pietro "Pedar" Rebecchi

La rubrica del Pedar: "T'la scriv in Piasintein"

Dodicesima puntata della rubrica curata da Pietro "Pedar" Rebecchi, attore piacentino nella compagnia teatrale Famiglia Piasenteina e tifoso di lunga data del Piacenza Calcio. Per tutta la stagione il Pedar racconterà pensieri, fatti e aneddoti legati al mondo del Piace: ovviamente in rigoroso dialetto piacentino

E via c'andum, un'ätra vittoria c'la sèrva cme 'l pan par sarcä un bell pusiziunameint pr'i playoff.  Parchè l'è vera c'andä sö sarà impussibil (o quäsi) ma sugnä a occ' vèrt custa gninta. Duminca me vegn' un balurdon a vëd in sal giurnäl che Miori al ciappa mia gol da settseinttreintatri minüd. Ho pinsä sübit c'äva pèrs quälca partida. Al teimp c'ho passä a guardä 'l calendäri l'è stä una tortüra ma dopa ho tirä un suspir c'ho vutä la pagina. No no Pedar, va tranquill,  at n'è mia pèrsa vüna. Ho cuntrullä anca se par cäs i'ävan cambiä i minüd in un'ura. Gnin da fä. Allura e däi e däi ho cattä anca mè quälca curiusitä.

Franzini al sa fa mia uno shampo da 12.824 dè, Cazzamalli da 9.318. Pär c'agh sia in att una sfida, chi veinsa al pudrà ciappä in prestit al parücchein ad Conte.  Al president unuräri ien dasdott second c'al sa leva mia sö par tirä un sacarnon e (a iar sira) ieran bein veint minüd c'al ciamäva mia quäldöin "piccin".
Togordeau ien treintasett minüd e mezzz c'al batta mia un corner a fil d'èrba.
Nobile ien nuantanöv minüd c'al va mia sutta i sinquanta all'ura, däi ancura un sfors....
Romero l'ha passä pössè teimp cun la tèsta in äria che cui pè par terra.
Silva l'è una vita c'al fa mia un gol.
Pelizzoli e Abbate l'è un quärt d'ura chi sa stiran mia. Agh na sariss ätar tri o quattar ma ien dès minüd ca peins appèna dill luccäd, ma sà tant sum mia l'ünich.
Un' ültma roba, ho mia vist la squädra atsè in difficultä anca se mia bella tant cme 'l solit e al rigur al sa pudiva anca dä, veins chill partid che l'è un bell segn'. Davanti o bein o mäl al gullein al fum seimpar e la difesa la cunceda gninta. Par forsa Miori al ciappa mia gol dalla cresma.
M'arcmand forza Piace!
Pedar

Argomenti
Condividi
In Evidenza
Ultime di Oggi
Potrebbe interessarti
In primo piano
Torna su

Canali

SportPiacenza è in caricamento