rotate-mobile
Piacenza Calcio

La rubrica del Pedar: "T'la scriv in Piasintein"

Rubrica curata da Pietro "Pedar" Rebecchi, attore piacentino nella compagnia teatrale Famiglia Piasenteina e tifoso di lunga data. Per tutta la stagione racconterà pensieri, fatti e aneddoti legati al mondo del Piace: ovviamente in rigoroso dialetto piacentino

Quand i nümar ien atsé impurtant l'é mia un cäs e bisugnariss cuminciä a pinsä un quälcosa ca tira via una senteinsa e ciué che quand śugum föra partum da vöi a śeru par i'ätar e quindi par veins una partida gh'é da fä almenu dü gol, mia facil.
Par passä mia pr'al solit piasintein criticon però vuriss suttulineä che Franśein l'é al migliur allenatur par noi in cul mumeint chè, sicürameint al migliur vist chemò da un bell peś, intant l'é un fiö dla nossa terra, al pärla poch e 'l lavura abota, in parfetta sintunia cun la sucietà e am risülta cl'abbia mia accettä ätar prupost pr'astä cun noi, bisugnariss ricurdäl pössé da spëss. Cho po' dill vot al disa dill rob ca sum mia d'accordi l'é un'ätra question e g'ho seimpar preseint che se mé sum che e lü in sla pancheina....un mutiv al gh'è. Oltretütt bota dill vot sum d'accordi gnan cun qull bell tipu ca vëd dadnans a specc' figürumas.
Finalmeint anca noi gum al noss direttur spurtiv o almenu adessa al pudrà lavurä alla “luce del sole” e l'era ura parché una sucietä prufessiunistica l'as pöl mia parmëtt da stä un ann e meś seinsa una figüra atsé impurtanta. Mé so mia se Matteassi al sarà un bräv Ds, vadrum, sicürameint l'é giüst dägh fidücia parché l'é una parsona seria e vist la carriera cl'ha fatt ad balon as n'inteinda sicür, fein a pröva cunträria Masciangelo all'ha sarnì lü e al ma pär propi un bell bigliëtt da visita.
Un'ültma roba, mé cundivid gnan un po' tütt al cridur ca gh'é in gir, sicürameint quälca prublema al gh'é ma sum cunvint ca pudum ancura arrivä almenu tant cmé l'ann passä, anca parché la sucietä la pär intensiunä a intervegn' e quindi i san benissim anca lur ca gh'è da quattä quälca büs e basta, ma basta dabon, cun la folla ad Saber e Tagordeau (am ricord gnan m'al sa scriva) i gh'én po', i pudivan mia tegnia, mëttumas al cör in päs e imparum a innamuräs dla mäia, mia di śugadur.
M'arcmand, forza Piace !
Pedar

Si parla di

In Evidenza

Potrebbe interessarti

La rubrica del Pedar: "T'la scriv in Piasintein"

SportPiacenza è in caricamento