menu camera rotate-device rotate-mobile facebook telegram twitter whatsapp apple googleplay
Pietro Rebecchi

Pietro Rebecchi

La rubrica del Pedar: "T'la scriv in Piasintein"

Rubrica curata da Pietro "Pedar" Rebecchi, attore piacentino nella compagnia teatrale Famiglia Piasenteina e tifoso di lunga data. Per tutta la stagione racconterà pensieri, fatti e aneddoti legati al mondo del Piace: ovviamente in rigoroso dialetto piacentino

Sum che, finalmeint sum bon da cattä 'l teimp da scriv quälcosa in sal mé Piace, propi in dla smana dopa la stracittadina. Sicürameint l'é mia stä una gran partida però  ho vist un päri 'd rob növ o almenu che chemò ieran mäi süccess. Intant al bigliëtt dal “settore ospiti” a queinds euro e pasinsa, sum sciur tant ist'ess e la brütta figüra l'ho mia fatta mé anca se la tentasion da scavalcä gl'ho avì ma un po' ca sum seimpar stä negä e un po' l'etä ho decis da mëtt la man al bursein e rastä dalla pärt ad la ragion e s'im disan mérda pöss digh...mang'la, parché sa l'è vera ca sum un mangion l'é anca vera ca sért rob ia lass vluntera a i'ätar. L'ätra roba ca ma lassä un po' basì l'é stä la vuläda ca fatt i ragassein in tribüna pr'ändä a insültä al noss nümar ott c'al s'era appéna fatt trä föra e mucch mucch l'andäva vérs al suttpassag', cumplimeint.
G'ho avì un da fä da mulëtta a spiegä a chi ha mia vist la partida che si, al pro l'ha sügä un brisinein méi che noi ma am sa dvis che 'l paregg' al g'ha stäva tütt anca se un rigur l'é stä forsi un po' generus (ma l'um sbagliä) e l'ätar inveci l'era ciär cmé la löina. No parché a le? al giurnäl e a seint qull che stä ditt in television abota i pinsävan che 'l Piace l'avriss duì tö so seincu gol e ?ittu inveci l'è mia propi andä atsè, ai rangugnon ca gh'éra in tribüna agh sarà dispiasì abota, a mé no.
Sa g'ho propi da dì la vritä l'é mia c'am diverta a vëd ?ügä al mé Piace parché gh'é di mumeint ca sa sugasma in un camp ad magiustar cul ballon na schissum gnan vüna, vist ca l'é seimpar in äria e sum seimpar cul “baricentro” bass, tropp bass.
Parché va bein ?ügä tütt dadré alla balla ma almenu bisugnariss andä in “pressing” un filinein prima, mia aspettä ca i'avversäri i rivan tacca la nossa area, che dopa basta un passag' e ien sà in area, dopa gum al logh a criticä 'l centravanti ma se tütt ill vot c'al ciappa la balla o l'é a tri metar d'altëssa o 'l cumpagn' pössé tacca l'é a quaranta metar la vegna düra.
Si si al sò, ad solit sum mia vöi ca critica ma mé almenu sum lamò tütt ill dumenich, g'arò pür al diritt da dì la mia no ? Tant anca sa sugasma pèss sariss lamò tant ist'ess, mia tant cme quälca vanton c'al sa preseinta una vota d'ogni tant propi quand la muier la molla un po' la corda e 'l preteinda chissà che roba.

Un mé amis giurnalista una vota al m'ha ditt che 'l ballon pudum vëdal in manéra divèrsa ma i nümar i meintan mia, allura am sum miss in di pagn' dal povar Buttasein che, in quant a nümar, l'era imbattibil e ho fatt un bell coint.
Da quand sum turnä in di prufessiunista um fatt (cumpres tütt) treinta partid föra ad cà e appéna in dü uccasion sum vegn' a cà cun la porta bella nëtta, ciué seinsa ciappä gol (cul pro l'ann passä e a Lucca ist'ann) anca se bota dill vot um ?ügä cun seincu difensur e 'l purter, ciué cun pössè ad mesa squädra missa lemò par ciappäia mia i gol, parchè pudum cuntäsla fein ca vurum cul 4-3-3 o 3-5-2 ma par mé, quäsi seimpar, l'é un bell 4-5-1 o 5-4-1, mia propi la stèssa roba via.

Argomenti
Condividi
In Evidenza
Ultime di Oggi
Potrebbe interessarti
In primo piano
Torna su

Canali

SportPiacenza è in caricamento